Ing sawijining dina
sing panas banget, ana manuk gagak sing krasa ngelak banget. Gagak mau mabur
golek banyu, nanging angel banget ditemokake amarga lagi usum ketiga.
Ora suwe, gagak mau
nemokake kendi ing pinggir kebon. Gagak banjur mudhun lan nyedaki kendi kuwi.
Nalika dipirsani, jebul ing njerone ana banyune, nanging mung sethithik banget
lan lungguh ing dhasar kendi. Gagak nyoba ngombe, nanging gulune kendi kuwi
dowo banget, paruhe ora tekan.
Gagak ora nyerah.
Dheweke mikir keras golek cara. "Piye carane ya supaya aku bisa
ngombe?" batine gagak.
Mripate gagak
banjur weruh krikil utawa watu cilik-cilik ing sekitar kendi. Gagak entuk ide
pinter. Dheweke njupuk watu cilik mau nganggo paruhe, banjur dilebokake
siji-siji menyang njero kendi.
Krikil sing
dilebokake saya suwe saya akeh. Banyu ing njero kendi banjur mundhak munggah
tekan ndhuwur. Akhire, gagak bisa ngombe banyu kuwi nganti mareg.
Pesen Moral:
Kanthi akal kang pinter lan usaha sing ora nyerah, kesulitan bakal bisa
diatasi.